بولگار ەلىندە وتكەن «Prince&princess of the world - 2017» بايقاۋىندا دا الدىنا قارا سالماعان ايانات «كىشكەنتاي الەم حانشايىمى» اتاندى.
الەمنىڭ 20 ەلىنەن 55 ارۋ قاتىسقان سايىستا ايانات 3 ءتۇرلى ونەر كورسەتىپ, شەتەلدىك ساراپشىلاردى تاڭ قالدىرعان. اقتاۋلىق ءبۇلدىرشىن قازاقتىڭ ۇلتتىق كيىمدەرىمەن دەفيلە كورسەتىپ, ءان شىرقاپ, بي بيلەگەن. قازىلاردىڭ سۇراقتارىنا قازاق, ورىس جانە اعىلشىن تىلىندە, ءىشانارا بولگار تىلىندە جاۋاپ بەرگەن قارشاداي قازاق قىزىنىڭ تالانتىنا كوپشىلىك تاڭ قالۋمەن بولىپتى. بيىل التىنشى رەت وتكىزىلگەن حالىقارالىق بايقاۋعا ونى جەتەكشىسى ديليارا تۋرينا 1 اي دايىنداپتى, ايانات - ءبىر اپتاعا سوزىلعان بايقاۋعا ەلىمىزدەن قاتىسقان جالعىز ۇمىتكەر بولعاندىقتان, وعان ارتىلعان سەنىم دە جوعارى بولعان. بيىل مەكتەپ تابالدىرىعىن اتتايتىن ايانات جۇزدەن جۇيرىك شىعىپ, ەل مەرەيىن اسىرىپ قايتتى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
